اونلاين بيزنس

مساء الخيرات …

بوست عن فرص البيزنس الاونلاين باستخدام الذكاء الاصطناعي

النهاردة هنتكلم عن بيزنس موديل

وهو انك سيادتك شخصيا تفكر في فكرة برنامج او ابليكيشن او سوفتوير يتعمل بمصادر الذكاء الاصطناعي المجانية يقدر يفيد الناس الناس ويدفعو فيه مقابل

ازاي تعمل سوفتوير او موبايل ابليكيشن قايم علي الذكاء الاصطناعي وتطرحه للناس في مقابل وكل ماكنت فكرته قوية مع توفيق ربنا طبعا هاتزيد فرص نجاحه باذن الله

لو انت حبيت تعمل كدا كمشروع ليك في الطبيعي هاتروح تدور علي شركة برمجة او فريلانس وتتعاقد معاهم وهاتدفع ارقام فلوس خرافية ده لو لاقيت حد فاهم ازاي يتعامل مع التكنولوجية ديه اصلا

الحل التاني اللي انا بحبه وقررته لنفسي

اني اتعلم انا شخصيا انفذ اي فكرة تجيلي ليها علاقة بالذكاء الاصطناعي في شكل ابليكيشن او ويبسايت او سوفتوير

بعد بحث طويل ومفصل عن احسن learning pathway علشان توصل للنتيجة ديه

اكتشفت التالي

1- انت محتاج تتعلم ٣ لغات برمجة علشان تعرف تعمل النوع ده من الابليكيشن

python

java

javascript

بالترتيب كدا

2- بعد بحث طويل برده في احسن مصادر اتعلم منها رسيت في الاخر علي كورس python قوي مدته حوالي ٦٠ ساعة وبيخليك تنفذ ١٠٠ مشروع عملي حقيقي في خلال ال٦٠ ساعة دول ، فكرة الكورس انه مفروض تخلصه علي مدار ١٠٠ يوم وكدا

بس انت لو قررت تخصصله ساعتين بس في اليوم فهيخلص بعد شهر باذن الله

الكورس اسمه :

100 Days of Code: The Complete Python Pro Bootcamp for 2023

ودلوقتي عليه عرض وبيتباع بحاولي ٣٠٠ جنيه هتلاقي تفاصيله في الرابط ده :

https://offers.aibusinesstime.com/udemy-offer

هتخلصه وتبدا في الجافا وبعد كدا الجافا سكريبت ودول هياخدو في حدود من شهر ونص لشهرين

يعني انت محتاج تتعلم وتتمرن وتطبق لمدة ٣ شهور تقريبا

ايه مميزات انك تتعلم اللغات ديه او ايه النتيجة لو قررت وصممت وغصبت نفسك بالعافية ال٣ شهور دول :

١- هتقدر تنفذ اي مواقع او تطبيقات بتعتمد علي الذكاء الاصطناعي او علي الاقل هتبقي فاهم بشكل كبير علشان لو اتعاونت واشتغلت مع حد تاني

٢ – هتقدر تنفذ مشاريع مختلفة وتطبيقات تانية بعيدة عن الذكاء الاصطناعي

٣- هيبقي مع مهارة تقدر تشتغل بيها part time or full time

٤- مبرومجين البايثون والجافا والجافا سكريبت مرتباتهم عالية ومطلوبين جدا في السوق

٥- اه مستواك مش هايبقي واو من الاول بس مع الممارسة والتطبيق هتتحسن

اسئلة شائعة كانت عندي ودورت علي اجابتها وهاقولهالكم علشان اللي هيفكر فيها زيي :

١ – هلي محتاج سابق خبرة او معرفة او اي خبرات سابقة عموما في مجال البرمجة علشان اتعلم الحاجات ديه ؟؟ لا

٢- هلي الحاجات ديه سهلة ولا صعبة ؟ مافيش سهل وصعب انت مفروض بتتعلم يعني بتعرف كل حاجة معناها ايه وبتحصل ازاي وازاي تعمل زيها وخلاص

٣- هلي مضمون اني بعد واتعلم واطبق اكسب فلوس كتير ؟ لا طبعا مافيش حاجة مضمونة بس ربنا مابيضيعش مجهود حد وكل اللي انت بتعمله انك بتحاول تفتح باب رزق جديد ليك

٤- هحتاج اكون عارف انجليزي ؟ اه

٥- هو انا هاعرف انافس الاجانب واعمل مشاريع تنجح زيهم ؟ اه

٦- ظروف البلد منيلة والواحد نفسه مسدودة اعمل ايه ؟

٧- طيب انا بكسل وماليش خلق علي المذاكرة ، في حل اجيب منه فلوس بطريقة اسهل ؟

انا خبرة زيرو و قررت واستعنت بالله وبدأت النهاردة الحمد لله ، لو حابب تبدأ تغير واقع مش عجبك بخطوات فعليه استعن بالله انت كمان وابدأ…