لما تيجي تقرر تذاكر او تتعلم حاجة جديدة او تقرر تبدأ شغل او مشروع جديد لازم تبقي عارف كام معلومة مهمة خليك دايما فاكرهم وماتنساهمش
– الالتزام مش سهل
– انك تكمل الطريق لاخره مش سهل
– مش كل الناس بتكمل علشان كدا مش كل الناس بتنجح
– قرارك انك تكمل وتقاوم كل ده معناه انك قررت تغير حياتك وحياة الناس المسؤلين منك بالكامل للاحسن
– ماتسمعش لحد يقولك انك بتسعي علي الفاضي ، مافيش سعي علي الفاضي ربنا مابيضيعش تعب حد ، خلي عندك يقين انك هتشوف نتيجة تعبك علي المدي القريب او البعيد
– الشغف والحماس دوافع ضعيفة ماتعتمدش عليهم يزقوك تكمل ، اعتمد علي التزامك قدام نفسك انك تحقق اللي انت بتسعي ليه
– الناس مستحيل يتجمعو علي رأي واحد وانت مستحيل تقدر ترضيهم كلهم
– لازم يبقي عندك نوع من السلام النفسي مع اي اخطاء ممكن تعملها وتشوفها انها تجارب كان لازم تمر بيها علشان تتعلم
انا بفكر نفسي بالكلام اللي فوق ده كل مابحس ان بطارية دماغي بدأت تفضي وبدأت انس انا بعمل كل ده ليه …
